बारामतीच्या ‘बुलेट ट्रेन प्लॅन’ला फलटणचा दिल्लीतून जोरदार पलटवार! रणजितसिंह नाईक निंबाळकरांची थेट रेल्वेमंत्र्यांकडे धाव; शिंदेवाडी येथे स्थानकासाठी वरिष्ठ पातळीवर ताकद लावली फलटण प्रतिनिधी : मुंबई–हैदराबाद प्रस्तावित बुलेट ट्रेनच्या थांब्यावरून फलटणच्या राजकारणात पुन्हा एकदा जोरदार हालचाली सुरू झाल्या आहेत. बारामती परिसरात बुलेट ट्रेनचा थांबा मिळावा यासाठी सुरू असलेल्या प्रयत्नांच्या पार्श्वभूमीवर माढा लोकसभा मतदारसंघाचे माजी खासदार रणजितसिंह नाईक निंबाळकर यांनी फलटणच्या मागणीसाठी थेट दिल्ली गाठली आहे. रणजितसिंह नाईक निंबाळकर यांनी केंद्रीय रेल्वेमंत्री अश्विनी वैष्णव यांची भेट घेऊन फलटण तालुक्यातील शिंदेवाडी परिसरात बुलेट ट्रेनचे स्थानक उभारण्याची मागणी करणारे पत्र रेल्वेमंत्र्यांना सुपूर्द केले. या