धक्कादायक.. बारामतीत चाललंय काय,नगरसेवकाविरुद्ध विनयभंग आणि खंडणीचा गुन्हा दाखल..!
बारामती:-नुकताच बारामतीत राष्ट्रवादीच्या बिनविरोध निवडून आलेल्या नगरसेवकावर गंभीर गुन्हा दाखल झाल्याने एकच खळबळ उडाली असून याबाबत वायरल झालेल्या बातमी नुसार बारामतीच्या एका नगरसेवकाने एका असहाय्य विधवा महिलेचा छळ केल्याची किळसवानी घटना उघडकीस आली आहे.
पीडित महिलेच्या घरात जबरदस्तीने घुसून विनयभंग करणे,मारहाण करणे, फोटो सोशल मीडियावर व्हायरल करण्याची धमकी देणे आणि
उद्योजकांकडून खंडणी वसूल करण्यासाठी दबाव
टाकल्याप्रकरणी या नगरसेवकाविरुद्ध बारामती
तालुका पोलीस ठाण्यात विविध कलमांखाली गुन्हा
दाखल करण्यात आला आहे.
या नगरसेवकाचे नाव किशोर आप्पासाहेब मासाळ (रा. सूर्यनगरी, जळोची, ता. बारामती, जि.पुणे) असे गुन्हा दाखल झालेल्या नगरसेवकाचे नाव आहे. मिळालेल्या माहितीनुसार,दि.१३ फेब्रुवारी २०२६ ते २५ मे २०२६ या कालावधीत झाले असल्याने, ती विधवा आणि असहाय्य
असल्याचा गैरफायदा आरोपी किशोर मासाळ याने
घेतला. ओळख असल्याचा फायदा घेऊन मासाळ यांनी
वेळोवेळी महिलेच्या घरात अनधिकृतपणे प्रवेश
केला असल्याचे म्हटले तिथे त्याने महिलेकडे शरीरसुखाची मागणी
करत विनयभंग केला, “ मी पुढारी आहे, तुम्हाला इथे सुखाने जगू देणार नाही. माझ्या खूप ओळखी आहेत, तुम्हाला खोट्या गुन्ह्यात
अडकवीन,” अशी धमकी दिली. एवढेच नव्हे तर,
“तुझे फोटो माझ्या मोबाईलमध्ये आहेत, मी सांगेल तसेच तुला करावे लागेल,” असे म्हणून आरोपीने महिलेचा वारंवार पाठलाग केला आणि तिला
लाथाबुक्क्यांनी मारहाणही केली.बारामती येथील उद्योजकांना ब्लॅकमेल करून
त्यांच्याकडून मला पैसे काढून दे,नाहीतर तुझे
फोटो सोशल मीडियावर टाकून तुझी बदनामी
करीन,” अशी धक्कादायक धमकी दिली. या मानसिक आणि शारीरिक छळाला कंटाळून अखेर पीडितेने पोलिसात धाव घेतली.
पीडित महिलेच्या तक्रारीवरून बारामती तालुका पोलीस ठाण्यात किशोर आप्पासाहेब मासाळ
याच्याविरुद्ध गु.र.नं. २५३ / २०२६ नुसार भारतीय
न्याय संहिता (BNS) कलम ३३२(c), ७४, ७५, ७८,
११५(२), ३५२, ३५१(२) (३) अन्वये गुन्हा दाखल
करण्यात आला आहे. या प्रकरणाची नोंद पोलीस
ठाण्यात करण्यात आली असून पुढील तपास
महिला पोलीस हवालदार सोनवणे करत असून यामध्ये आणखी कोणा कोणाचा हात आहे का? हे तपासात उघड होईल.
