🟠 दोन्ही आमदारांचा हातभार लागू द्या, पण साकोलीत पारदर्शक विकास होऊ द्या  ◾ दोघांच्या नावाची बदनामी होईल असे वाह्यात धंदे करू नका – जागृत जनतेचे मत 

🟠 दोन्ही आमदारांचा हातभार लागू द्या, पण साकोलीत पारदर्शक विकास होऊ द्या 

◾ दोघांच्या नावाची बदनामी होईल असे वाह्यात धंदे करू नका – जागृत जनतेचे मत 

भंडारा ( चक्रधर मेश्राम ) दि २२/५/२०२६ : – भंडारा जिल्ह्यातील या “दोन्ही आमदारांचा पूर्ण हातभार लागू द्या, आणि साकोली सेंदूरवाफा शहराचा फक्त पारदर्शक विकास होऊ द्या, पण त्यांच्या नावावर ठेकेदारी किंवा कमिशनखोरी, हस्तक्षेप करून दोघांच्या नाव बदनाम होईल असे वाह्यात धंदे सुरू करू नका” असे परखड मत परिसरातील जागृत जनता “साकोली सोशल मिडीया” वर लिहीत आहे. नुकतेच ०७ मे २०२६ ला साकोली मुख्य तलाव दुरूस्तीला मंजुरी मिळाली. पण विविध राजकीय पक्षांच्या सोशल मिडीयातून बॅनरबाजीमुळे जनता अचंबित झाली. जनतेमध्ये फारच गैरसमज निर्माण झाले आहेत . अशा चर्चा परिसरात सुरू आहेत. यावर आता जनतेनेही रोखठोक , बिनधास्त प्रतिक्रिया समाजमाध्यमांवर व्यक्त केली आहे. 

साकोलीची जलवाहिनी समजला जाणारा मुख्य तलाव ०१ ऑगस्ट २०२५ ला पाळ कमकुवत असल्याने फुटला. यामध्ये मासेमारी बांधव व शेतकऱ्यांचे प्रचंड नुकसान झाले. हे का घडले.? तर २०२५ उन्हाळ्यात तलाव खोलीकरण झाले. यावेळी मत्स्यपालन संस्था अध्यक्ष रामचंद्र वलथरे यांनी सांगितले होते की, खोदलेली माती अगोदर पाळीवर टाकून पाळ मजबूत करा. पण काहींनी त्यांचे न ऐकता ती माती खाजगींना लाखों रूपयांमध्ये विकून आपला वैयक्तिक स्वार्थ साधला होता. तसा लुटमार प्रकार आता तरी करू नका, दोन्ही आमदारांचा प्रयत्नांमुळे आलेल्या निधीचा योग्य पारदर्शक वापर करण्यासाठी प्रामाणिक कंत्राटदार निवडून शहराला पारदर्शक विकास साध्य करण्यासाठी हातभार लावला पाहिजे. अशी प्रचंड प्रतिक्रिया सामाजिक प्रसारमाध्यमांवर झळकत आहेत. शहरात सदर कामांच्या विषयी दोन्ही पक्षांची बॅनरबाजी सुरू आहे. पण जनता अचंबित व बुचकळ्यात पडली आहे. यामुळे जनतेने आता आपले मत व्यक्त करीत सांगितले की, “दोन्ही आमदारांचा हातभार लागू द्या आणि शहरातील पारदर्शक विकास होऊ द्या, पण त्यांचे नाव बदनाम होईल असे वाह्यात कृत्य व कमिशनखोरींचे धंदे सुरू करून आमदारांचे नाव बदनाम करू नका” अशी परखड प्रतिक्रिया जनता सोशल मिडीयातून लिहीत आहेत.

Author: AVB Majha