छत्रपती शिवाजी महाराजांनी इतिहासाच्या सुवर्ण पानावर इतिहास घडवला – प्रा डॉ साधना निकम
( चाळीसगाव प्रतिनिधी रणधीर जाधव) :-
छत्रपती शिवाजी महाराज यांनी इतिहासाच्या सुवर्ण पानावर इतिहास घडवला आजही त्यांचे विचार समाजाला प्रेरणा देतात आजची लढाई ही रणांगणावर नसून हितशत्रू ओळखून सामोपचाराने समाजाने वाटचाल केली तर महाराष्ट्राची प्रगती निश्चित होणार असल्याचे प्रतिपादन गणेश पवार मित्र मंडळ आयोजित शिवजयंती उत्सव कार्यक्रमात प्रा. डॉ. साधना निकम यांनी केले. गणेश पवार मित्र मंडळाच्या वतीने दि. १९ रोजी शहरातील पवार वाडी स्थित विठ्ठल रुख्मिणी मंदिरात छत्रपती शिवाजी महाराज जयंती साजरी करून विविध क्षेत्रातील रत्नांचा गौरव व निबंध स्पर्धेत सहभागी विद्यार्थ्यांचा सन्मान करण्यात आले. कार्यक्रमाच्या प्रारंभी छत्रपती शिवाजी महाराजांच्या पुतळ्याचे पूजन नगरपरिषद उपनगराध्यक्ष हर्षल चौधरी व मान्यवरांच्या हस्ते करण्यात आले, प्रस्ताविक गणेश पवार यांनी केले, व्यासपीठावर उपनगराध्यक्ष हर्षल चौधरी, जि. प. सदस्य राजेंद्र राठोड, नगरसेवक रामचंद्र जाधव, योगेश खंडेलवाल, मुकेश चौधरी, अभय वाघ, संभाजी गवळी, नगरसेविका हर्षदा पवार, उद्योजक हिराशेठ बजाज, माजी नगरसेवक सदाशिव गवळी तसेच गणेश पवार मित्र मंडळ अध्यक्ष गणेश पवार, सुधीर पाटील, सतीश पवार, गुलाब चव्हाण, सुभाष खैरनार, आनंदा चिपडे, निखिल राठोड, पांडूतात्या शिंगटे, योगेश गव्हाणे, एस. डी. पाटील आदी मान्यवर उपस्थित होते, या याप्रसंगी छत्रपती शिवाजी महाराजांच्या जीवनावर तनिष्का बाळू पवार, खुशी किरण पवार, मानव मराठे, शौर्य कापडणे, ख्याती कापडणे, काव्यांश देशमुख यांनी भाषणे केली, गणेश पवार मित्र मंडळाच्या वतीने छत्रपती शिवाजी महाराजांच्या जीवनावर निबंध स्पर्धेचे आयोजन करण्यात आले होते, यावेळी विविध क्षेत्रात उल्लेखनीय कामगिरी करणाऱ्या मान्यवरांचा सन्मान पत्र देवून सत्कार करण्यात आले, तसेच निंबध स्पर्धेत सहभागी विद्यार्थ्यांचा सन्मान पत्र देवून गौरविण्यात आले, कार्यक्रमाचे सूत्रसंचालन यशश्री क्लासेसचे संचालिका भाग्यश्री तुपे यांनी केले तर आभार बाळासाहेब पवार यांनी मानले.
