६५ वर्षापेक्षा जास्त वय असणाऱ्या वकीली व्यवसाय करणारे विधीज्ञ यांना प्रतिमहा १० हजार पेंशन चालू करण्याची मागणी
फलटण प्रतिनिधी :- ज्यांचे ६५ वर्षापेक्षा जास्त वय असणाऱ्या वकीली व्यवसाय करणारे विधीज्ञ यांना प्रतिमहा कमीत कमी १० हजार पेंशन चालू करण्याची मागणी फलटण बार असोसिएशन चे अध्यक्ष बापूसाहेब सरक यांनी महाराष्ट्र शासनाकडे निवेदनाद्वारे केली आहे.
मुख्यमंत्री देवेंद्र फडणवीस, चेअरमन बार कौन्सिल ऑफ महाराष्ट्र अँड गोवा, आमदार सचिन पाटील, आमदार गोपीचंद पडळकर, उपविभागीय अधिकारी फलटण व ईतर मान्यवर यांना दिलेल्या निवेदनात असे म्हटले आहे की, संपूर्ण राज्यामध्ये आपले सरकार अतिशय कर्तव्यदक्ष असून आपल्या कल्पनेतून अतिशय लोकहिताच्या योजन्या कार्यान्वित झालेल्या आहेत. आमचे संपूर्ण महाराष्ट्रातील वकील बांधव हे वर्षानुवर्षे महाराष्ट्रात वकीली व्यवसाय अतिशय इमाने इतवारे कोर्टात करत असतात वकील यांना त्यांचे वयाचे ६५ वर्षानंतर वरेच आजारांना सामोरे जावे लागते. तसेच इतर दैनंदिन जीवनांमध्ये आर्थिक मदतीची आवश्यकता भासत असते.
आपला महाराष्ट्र ही संतांची भुमी असून प्रत्येक व्यक्तीच्या कार्याची दखल वेळोवेळी घेतलेली आहे, असे आपला इतिहास आहे वकील हे इतिहासामध्ये प्रत्येक वेळी देशाचे हितासाठी लढले आहेत सबब आपण कर्तव्यदक्ष, आदरणीय मुख्यमंत्री म्हणून आपल्या वकीलांच्या हिताचा ठोस निर्णय घेऊन सर्व महाराष्ट्रतील जेष्ठ वकिलांना आनंदाची परवणी दयाल अशी अपेक्षा करतो वकीलांची पेंशन लवकरात लवकर प्रतिमहा कमीत कमी १० हजार पेंशन चालू कराल याचीही हमी व खात्री आमचे तमाम वकिल बांधवांना आहे.तरी आपण आपल्या स्तरावर योग्य तो निर्णय लवकरात लवकर घेऊन जेष्ठ वकीलांसाठी प्रतिमहा कमीत कमी १० हजार पेंशन योजना चालु करावी असे निवेदन फलटण बार असोसिएशन चे अध्यक्ष श्री. बापूसाहेब सरक यांनी महाराष्ट्र शासनाकडे निवेदनाद्वारे केली आहे.यावेळी फलटण बार असोसिएशन चे अध्यक्ष श्री. बापूसाहेब सरक, ॲड. शारदा दीक्षित, ॲड. पूनम करपे, ॲड. प्रशांत निंबाळकर निवेदन देताना उपस्थित होते.
