महाबळेश्वर परिसरातील पर्यटन विकास कामे लवकर पूर्ण करा : पर्यटन मंत्री शंभूराज देसाई
मुंबई, दि. २८ : महाबळेश्वर नगरपरिषद हद्दीतील मुख्य बाजारपेठ विकसित करणे तसेच डॉ. साबणे रोड लगतच्या सर्व परिसर विकसित करण्याचे काम सार्वजनिक बांधकाम विभागाने करावे असे निर्देश पर्यटन मंत्री शंभूराजे देसाई यांनी दिले. मंत्रालयात पर्यटन विभागाच्या विविध विषयाच्या अनुषंगाने आयोजित करण्यात येणाऱ्या महाराष्ट्र पर्यटन महोत्सवाच्या नियोजनासंदर्भात आढावा बैठक पर्यटन मंत्री शंभूराज देसाई बोलत होते.या बैठकीस मदत व पुनर्वसन मंत्री मकरंद जाधव( पाटील), विभागाचे प्रधान सचिव अतुल पाटणे,महाराष्ट्र पर्यटन महामंडळाचे व्यवस्थापकीय संचालक मनोज कुमार सूर्यवंशी, पर्यटन संचालनालयाचे संचालक भगवंतराव पाटील, दूरदृष्टी प्रणाली द्वारे जिल्हाधिकारी संतोष पाटील तसेच विभागातील वरिष्ठ अधिकारी उपस्थित होते.
मंत्री श्री देसाई म्हणाले की, महाबळेश्वर येथे एप्रिल मध्ये पर्यटन महोत्सव आयोजित करण्यात येणार आहे. या महोत्सवाच्या अनुषंगाने महाबळेश्वर परिसरातील विकास कामे गतीने करा. किल्ले प्रतापगड येथील कामे सर्व कार्यान्वय यंत्रणांनी समन्वयातून पूर्ण करावेत. प्रतापगड किल्ल्याचे सुशोभीकरण करताना किल्ल्याच्या सौंदर्याला बाधा येईल अशी कामे करू नयेत. गुणवत्ता पूर्ण कामावर भर द्यावा. पर्यटन महोत्सवाच्या अगोदर ही कामे पूर्ण करावेत. कोयना नगर पर्यटन प्रकल्पासाठी लवकरात लवकर सल्लागार नियुक्त करावा तसेच या प्रकल्पासाठी येणारा खर्च आणि करावयाची सर्व कामाचा आराखडा सादर करा. कोयनानगर परिसरामध्ये असलेले एमटीडीसीचे पर्यटक निवास संकुल अद्यावत करावे अशा सूचना पर्यटन मंत्री श्री देसाई यांनी दिल्या.
