फलटण तालुका परिसरातील सातत्याने शरिराविरुध्दचे गुन्हे करणाऱ्या टोळीतील ०३ इसमांना सातारा पोलीसांनी दोन वर्षाकरीता केले तडीपार
फलटण प्रतिनिधी:
सातारा जिल्हयामधील लोणंद पोलीस ठाणे हद्दीमध्ये सातत्याने शरिराविरुध्दचे गुन्हे करणारे टोळी प्रमुख १) विकी ऊर्फ बाळु बापुराव खताळ, वय २३ वर्षे, रा कापडगांव ता फलटण जि सातारा २) शुभम ऊर्फ सोनु आप्पासो घुले, वय २३ वर्षे, रा कापडगांव ता फलटण जि सातारा ३) सुयोग हिंदुराव खताळ, वय २७ वर्षे, रा कापडगांव ता फलटण जि सातारा यांचे टोळीवर दुखापत पोचवून शिवीगाळ दमदाटी करणे, चोरी करणे असे गंभीर स्वरुपाचे गुन्हे दाखल असल्याने लोणंद पोलीस ठाणेचे प्रभारी अधिकारी सहाय्यक पोलीस निरीक्षक श्री. सुशील भोसले यांनी सदर टोळीविरुध्द महाराष्ट्र पोलीस कायदा कलम ५५ प्रमाणे संपुर्ण सातारा तसेच पुणे, सोलापुर जिल्हा हद्दीतुन दोन वर्षे तडीपार करणेबाबतचा प्रस्ताव हद्दपार प्राधिकरण तथा पोलीस अधीक्षक सातारा यांचेकडे सादर केलेला होता. सदर प्रस्तावाची चौकशी श्री. राहुल आर धस, उपविभागीय पोलीस अधिकारी, फलटण विभाग फलटण यांनी केली होती.
सदर टोळीतील इसमांचेवर दाखल असले गुन्हयांमध्ये त्यांचेवर वेळोवेळी अटक तसेच प्रतिबंधक कारवाई करुन ही त्यांचेवर गुन्हे करण्याच्या प्रवृत्तीत कोणताही बदल झाला नाही. या टोळीमधील इसम हे लोणंद तसेच परिसरामध्ये सातत्याने गुन्हे करीत होते, त्यांचेवर कायदयाचा कोणताच धाक न राहील्यामुळे फलटण तालुका परिसरातील लोकांना मोठया प्रमाणावर या टोळीचा उपद्रव होत होता, अशा टोळीवर सर्वसामन्य जनतेमधुन कडक कारवाई करणेची मागणी होत होती.
ऊर्फ मा. समीर शेख, हद्दपार प्राधिकरण तथा पोलीस अधीक्षक सातारा यांचे समोर टोळी प्रमुख १) विकी बाळु बापुराव खताळ, वय २३ वर्षे, रा कापडगांव ता फलटण जि सातारा २) शुभम ऊर्फ सोनु आप्पासो घुले, वय २३ वर्षे, रा कापडगांव ता फलटण जि सातारा ३) सुयोग हिंदुराव खताळ, वय २७ वर्षे, रा कापडगांव ता फलटण जि सातारा यांची सुनावणी होवुन त्यांनी सदर टोळीस महाराष्ट्र पोलीस कायदा कलम ५५ अन्वये संपुर्ण सातारा तसेच पुणे, सोलापुर जिल्हा हद्दीतुन दोन वर्षाकरीता हद्दपारीचा आदेश पारीत केला आहे.
नोव्हेंबर २०२२ पासुन मपोकाक ५५ प्रमाणे ३८ उपद्रवी टोळयांमधील १३१ इसमांना, मपोकाक ५६ प्रमाणे ३८ इसमांना, मपोकाक ५७ प्रमाणे ०४ इसमांना असे एकुण १७३ इसमांविरुध्द तडीपार सारखी कारवाई करण्यात आली असुन सातारा जिल्हयामध्ये शांतता व सुव्यवस्था अबाधित ठेवण्याकरीता सातारा जिल्हयातील सराईत गुन्हेगारांचेविरुध्द हद्दपारी, मोक्का, एमपीडीए अशा प्रकारच्या कडक कारवाया करणेत येणार आहेत.
या कामी हद्दपार प्राधिकरणापुढे सरकार पक्षाच्या वतीने श्रीमती वैशाली कडुकर, अपर पोलीस अधीक्षक सातारा यांचे मार्गदर्शनाखाली स्थानिक गुन्हे शाखेचे श्री अरुण देवकर, पोलीस निरीक्षक स्थानिक गुन्हे शाखा सातारा, पो.हवा प्रमोद सावंत, अमित सपकाळ, पो. कॉ. केतन शिंदे, म.पो. कॉ. अनुराधा सणस, लोणंद पोलीस ठाणेचे पो.हवा नितीन भोसले, पोकॉ अमोल जाधव, मपोकॉ स्नेहल कापसे यांनी योग्य पुरावा सादर केला आहे.
