मराठा महासंघाच्या शहर अध्यक्ष पदी नलिनी कदम यांची निवड
( चाळीसगाव प्रतिनिधी रणधीर जाधव ) :-
अखिल भारतीय मराठा महासंघाचे जिल्हा संपर्कप्रमुख खुशाल बिडे यांच्या यांच्या मार्गदर्शनाखाली नुकतीच शासकीय विश्रामगृह येथे मीटिंग आयोजित करण्यात आली होती. यावेळी अखिल भारतीय मराठा महासंघाच्या शहराध्यक्षपदी नलिनी मोहन कदम यांची सर्वानुमते निवड करण्यात आली. याबाबत सविस्तर वृत्त असे की, शासकीय विश्रामगृह येथील बैठकीत अखिल भारतीय मराठा महासंघाचे ध्येयधोरण समजावून सांगण्यात आले. चाळीसगाव महिला शहराध्यक्षपदी नलिनी मोहन कदम यांची निवड शहराध्यक्ष नंदकिशोर पाटील यांनी केली. अखिल भारतीय मराठा महासंघाच्या सर्व पदाधिकाऱ्यांनी नलिनी कदम यांना पुष्पगुच्छ देऊन अभिनंदन केले. या निवडीमुळे नलिनी कदम यांचे सामाजिक, राजकीय शैक्षणिक क्षेत्रातून अभिनंदनचा वर्षाव होत आहे. महिला शहर अध्यक्ष नलिनी मोहन कदम यांनी आपल्या मनोगतात सांगितले की मी लवकरात लवकर माझी शहर कार्यकारणी जाहीर करेल आणि माझ्या पदाच्या माध्यमातून अन्याय अत्याचार झालेल्या लोकांना न्याय मिळवून देण्यासाठी सदैव प्रयत्नशील राहील. यावेळी जिल्हा संपर्कप्रमुख खुशाल बिडे, जिल्हा कोषाध्यक्ष अशोक भोसले, शहराध्यक्ष नंदकिशोर पाटील, शहर सचिव सचिन गुंजाळ, युवक तालुका अध्यक्ष प्रकाश पाटील, आप्पा पाटील, रवी गुंजाळ, शेखर सोनवणे आदी उपस्थित होते.
