सातारा जिल्हा बँक निवडणूक : ३ नोव्हेंबरला मतमोजणी; सहा टेबलांवर दोन फेऱ्यांत निकाल प्रक्रिया

सातारा जिल्हा बँक निवडणूक : ३ नोव्हेंबरला मतमोजणी; सहा टेबलांवर दोन फेऱ्यांत निकाल प्रक्रिया

सकाळी ८ वाजता सातारा जिल्हा नागरी सहकारी बँक असोसिएशनच्या सभागृहात मतमोजणी; ९७ टक्के मतदानाची नोंद

सातारा (प्रतिनिधी) : सातारा जिल्हा मध्यवर्ती सहकारी बँकेच्या संचालक मंडळ निवडणुकीसाठी रविवार, दि. १ नोव्हेंबर रोजी जिल्ह्यात शांततेत मतदान पार पडले. निर्धारित वेळेत सुमारे ९७ टक्के मतदान झाले. कोरेगाव, खंडाळा आणि वाई तालुक्यांत शंभर टक्के मतदानाची नोंद झाली.

मतदानादरम्यान कोणताही अनुचित प्रकार घडू नये यासाठी जिल्हा पोलीस प्रशासनाने चोख बंदोबस्त ठेवला होता. जिल्हाधिकारी संतोष पाटील आणि पोलीस अधीक्षक निखिल पिंगळे यांनी निवडणूक प्रक्रियेवर लक्ष ठेवले. निवडणूक निर्णय अधिकारी संजयकुमार सुद्रिक तसेच सहाय्यक निवडणूक निर्णय अधिकारी अभिमान थोरात व राहुल देशमुख यांनी मतदान केंद्रांना भेटी देऊन पाहणी केली.

मतमोजणीचे ठिकाण व व्यवस्था

मंगळवार, दि. ३ नोव्हेंबर २०२६ रोजी सकाळी ८ वाजता सातारा जिल्हा नागरी सहकारी बँक असोसिएशन लि., जरंडेश्वर नाका, हनुमान मंदिराजवळ, सातारा येथील सभागृहात मतमोजणी सुरू होणार आहे.

मतमोजणीसाठी सहा टेबलांची व्यवस्था करण्यात आली असून दोन फेऱ्यांमध्ये प्रक्रिया पूर्ण केली जाणार आहे. प्रथम विविध कार्यकारी सेवा सहकारी संस्था मतदारसंघातील मतांची मोजणी होईल. त्यानंतर राखीव व औद्योगिक मजूर मतदारसंघाची मतमोजणी करण्यात येणार आहे.

 

जिल्ह्यातील सर्व मतदान केंद्रांवरील मतपेट्या मतमोजणी केंद्रातील सुरक्षित कक्षात सीसीटीव्हीच्या निगराणीखाली ठेवण्यात येणार असून परिसरात पोलीस बंदोबस्त तैनात करण्यात आला आहे.

मतमोजणीसाठी प्रवेशाचे नियम

मतमोजणी केंद्रात केवळ निवडणूक लढविणारे उमेदवार आणि त्यांचे अधिकृत प्रतिनिधी यांनाच प्रवेश दिला जाणार आहे. प्रतिनिधी नियुक्तीसाठी नमुना आठ-अ मधील अर्ज मतमोजणीपूर्वी दाखल करणे आवश्यक असून ओळखपत्र सोबत ठेवणे बंधनकारक आहे.

९७ टक्के मतदानानंतर आता ३ नोव्हेंबरच्या मतमोजणीत जिल्हा बँकेच्या संचालक मंडळाचे चित्र स्पष्ट होणार आहे.

AVB Majha
Author: AVB Majha

Leave a Comment

और पढ़ें

दुर्गम भागातील वैद्यकीय अधिकारी डॉ. निमजे यांचे बडतर्फी प्रकरणी उच्च न्यायालयात 👉 उच्च न्यायालयाने राज्य शासनासह गडचिरोली जिल्हा परिषदेला बजावली नोटीस 👉 जिल्हा आरोग्य अधिकारी डॉ.शिंदेचे प्रताप चव्हाट्यावर?

Cricket Live Score

Corona Virus

Rashifal

और पढ़ें

दुर्गम भागातील वैद्यकीय अधिकारी डॉ. निमजे यांचे बडतर्फी प्रकरणी उच्च न्यायालयात 👉 उच्च न्यायालयाने राज्य शासनासह गडचिरोली जिल्हा परिषदेला बजावली नोटीस 👉 जिल्हा आरोग्य अधिकारी डॉ.शिंदेचे प्रताप चव्हाट्यावर?