🚨 फलटण पोलिसांची मोठी कारवाई: ‘फिल्मी स्टाईल’ने पाठलाग करून दोन गावठी पिस्तुलसह ४ आरोपी जेरबंद!

🚨 फलटण पोलिसांची मोठी कारवाई: ‘फिल्मी स्टाईल’ने पाठलाग करून दोन गावठी पिस्तुलसह ४ आरोपी जेरबंद!

फलटण प्रतिनिधी

फलटण ग्रामीण पोलिसांनी एका धाडसी कारवाईत रेकॉर्डवरील गुन्हेगारासह त्याच्या साथीदारांना दोन गावठी पिस्तुल आणि जिवंत काडतुसासह अटक केली आहे. पोलिसांनी पळून जाणाऱ्या आरोपींचा फिल्मी स्टाईलने पाठलाग करून मुसक्या आवळल्या असून, या प्रकरणात एकूण ४ आरोपींना जेरबंद करण्यात पोलिसांना यश आले आहे.🔫 गुप्त माहिती आणि ‘फिल्मी स्टाईल’ थरारपोलीस सूत्रांकडून मिळालेल्या माहितीनुसार, पुणे जिल्ह्यातील पुरंदर येथील रेकॉर्डवरील अट्टल गुन्हेगार प्रतीक प्रमोद खुंटे हा त्याच्या साथीदारासह दुधेबावी गावच्या हद्दीत गावठी पिस्तुल घेऊन येणार असल्याची खात्रीशीर माहिती फलटण ग्रामीण पोलीस स्टेशनचे पोलीस निरीक्षक राजकुमार भुजबळ यांना मिळाली होती.माहिती मिळताच पोलिसांनी तातडीने दुधेबावी परिसरात सापळा रचला. संशयित आरोपी पल्सर मोटरसायकलवरून येत असताना त्यांना पोलिसांची चाहूल लागली. त्यांनी पोलिसांना गुंगारा देऊन दहीवडी रोडने वेगाने पळ काढण्याचा प्रयत्न केला. मात्र, पोलीस पथकाने जीवाची पर्वा न करता अत्यंत धाडसाने आणि ‘फिल्मी स्टाईल’ने पाठलाग करून त्यांना शिताफीने पकडले.💰 २.५ लाखांचा मुद्देमाल जप्तपोलिसांनी आरोपींची अंगझडती घेतली असता, त्यांच्याकडे १ गावठी पिस्तुल आणि १ जिवंत काडतूस आढळून आले. अटक करण्यात आलेल्या आरोपींची नावे खालीलप्रमाणे आहेत:१. प्रतिक प्रमोद खुंटे (वय २५, रा. मांडकी, पुरंदर, पुणे)२. प्रदीप उर्फ सोन्या संतोष गोरे (वय २१, रा. काळुबाईनगर साखरवाडी. ता.फलटण जि. सातारा.)आरोपींची अधिक कसून चौकशी केली असता, त्यांनी हे हत्यार कानिफ गोरख घोलप (रा. मंगळवारपेठ, फलटण) आणि समीर उर्फ वर्धन बाळासो खवळे (वय २२, रा. मांडखडक, फलटण) यांच्या मदतीने खरेदी केल्याचे कबूल केले. पोलिसांनी तत्परतेने कारवाई करत आणखी १ गावठी पिस्तुल जप्त केली. या कारवाईत पोलिसांनी २ गावठी पिस्तुल, १ जिवंत काडतूस, पल्सर मोटरसायकल आणि ३ मोबाईल असा एकूण २,५०,३०० रुपयांचा मुद्देमाल जप्त केला आहे.⚖️ अट्टल गुन्हेगारांचे रेकॉर्ड उघडअटक करण्यात आलेल्या आरोपींचा गुन्हेगारी इतिहास अत्यंत गंभीर आहे. आरोपी प्रतीक खुंटे याच्यावर जेजुरी पोलीस ठाण्यात गंभीर गुन्हे दाखल आहेत. तर आरोपी करण घोलप याच्यावर फलटण शहर पोलीस ठाण्यात खुनाचा प्रयत्न (३०७), मारामारी, घरफोडी यांसारखे अनेक गंभीर गुन्हे आणि नवीन भारतीय न्याय संहितेनुसार (BNS) गुन्हे दाखल आहेत.👏 पोलीस पथकाचे कौतुकही धडक कारवाई सातारा जिल्ह्याचे पोलीस अधीक्षक निखिल पिंगळे, अप्पर पोलीस अधीक्षक वैशाली कडुकर, आणि फलटणचे उपविभागीय पोलीस अधिकारी विशाल खांबे यांच्या मार्गदर्शनाखाली फलटण ग्रामीणचे पोलीस निरीक्षक राजकुमार भुजबळ, गुन्हे प्रकटीकरण शाखेचे श्री. दीपक पवार, नितीन चतुरे, अमोल जगदाळे, श्रीनाथ कदम, हनुमंत दडस, सुरज काकडे, गणेश यादव, विक्रम बनकर, तुषार नलवडे आणि अमोल देशमुख यांच्या पथकाने यशस्वीरित्या पार पाडली. पोलिसांच्या या कामगिरीमुळे फलटण परिसरातून गुन्हेगारांचे धाबे दणाणले असून नागरिकांमधून पोलिसांचे मोठे कौतुक होत आहे.

Author: AVB Majha