वनविभागाच्या पथकाने दिला विहिरीत पडलेल्या बिबट्यास जीवनदान
( चाळीसगाव प्रतिनिधी रणधीर जाधव) :-
तालुक्यातील शिवापूर शिवारातील अशोक नामदेव राजपूत यांच्या शेतातील विहरीत काल दि. 17 रोजी सकाळी एक बिबट्या पडला अशोक राजपूत हे शेतात गेल्यावर त्यांना सदर बाब लक्षात आली. त्यांनी लगेच पोलीस पाटील यांना सदर माहिती दिली. व त्यानंतर पोलिस पाटिल यांनी ही माहिती वनविभागाला कळविली. वनविभागाच्या वनपरीक्षेत्र अधिकारी कोमल पिंडकुरवार यांनी लागलीच सर्व कर्मचारी आणि चाळीसगाव ग्रामीण पो. स्टे. चे एपीआय नितीन पाटील यांना कळवून पोलीस कर्मचारी तैनात करण्याबाबत कोमल पिंडकुरवार मॅडम यांनी कळवले. वनरक्षक के. बी. पवार, उमेश सोनवणे, वनमजूर संजय देवरे, बाळू शितोळे यांना पुढे जाण्याच्या सूचना दिल्या शेतकरी आणि गावाकऱ्यांच्या मदतीने बाज व पिंजरा विहिरीत सोडले, सदर बिबट्या हा बाजेवर येऊन बसला, व त्यानंतर लगेच पिंजऱ्यात जाऊन कोंडले गेला, त्यानंतर लगेच पिंजऱ्याचे गेट बंद करून पिंजरा विहिरीतून बाहेर काढत सुरक्षित केले. सदर पकडलेल्या बिबटस पशुवैद्यकीय अधिकारी डॉ. मेहेत्रे यांच्याकडून तपासणी करण्यात आली सद बिबट्यास वरिष्ठ अधिकाऱ्यांच्या आदेशानुसार नैसर्गिक अधिवासात सोडण्यात येणार आहे. सदर कार्यवाही मा.वनसंरक्षक (प्रा.) धुळे, मा. राम धोत्रे उपवनसंरक्षक जळगाव वनविभाग जळगाव, मा.अमोल पंडित, सहाय्यक वनसंरक्षक रोहयो व वन्यजीव जळगाव, विवेक देसाई मानद वन्यजीव रक्षक जळगाव यांच्या मार्गदर्शनाखाली चाळीसगाव वनपरीक्षेत्र अधिकारी कोमल पिंडकुरवार, वनपाल सागर पाटील, सी व्ही पाटील, वनरक्षक के बी पवार, उमेश सोनवणे, ललित पाटील, रवींद्र पवार वनमजूर बाळू शितोळे, संजय देवरे, संजय गायकवाड, भाईदास राठोड, राजाराम चव्हाण, नितीन राठोड, गोरख महाराज यांनी केली. सोबत पोलीस कर्मचारी भगवान माळी आणि प्रवीण संगिले गावातील नागरिक भिला राजपूत, कल्पेश राजपूत, दशरथ राजपूत, परशराम गोपाल, बंडू देशमुख, विशाल राजपूत यांनी सहकार्य केले.
