“फलटणचे सुपुत्र डॉ. प्रसाद जोशी यांना मानाचा ‘उषा-वैभव’ पुरस्कार जाहीर; उषा मंगेशकर यांच्या हस्ते होणार गौरव!”
“सजाई गार्डन फलटणमध्ये रंगणार कलेची मेजवानी!
सुप्रसिद्ध अभिनेत्री पद्मिनी कोल्हापुरे व ख्यातनाम पत्रकार प्रसन्न जोशी यांची प्रमुख उपस्थिती
फलटण प्रतिनिधी:
अनुबंध कला मंडळ, फलटण यांच्या वतीने आयोजित करण्यात येणाऱ्या या वर्षाच्या प्रतिष्ठेच्या ‘उषा-वैभव’ पुरस्काराची घोषणा करण्यात आली असून, यंदाचा हा मानाचा पुरस्कार जोशी हॉस्पिटल प्रा. लि. चे डॉ. प्रसाद जोशी यांना जाहीर झाला आहे.
हा भव्य पुरस्कार सोहळा आगामी ५ एप्रिल २०२६ रोजी संध्याकाळी सजाई गार्डन येथे आयोजित करण्यात आला आहे. विशेष म्हणजे, हा पुरस्कार सोहळा सुप्रसिद्ध गायिका माननीय श्रीमती उषा मंगेशकर जी यांच्या शुभहस्ते संपन्न होणार आहे. या कार्यक्रमाच्या निमित्ताने कला आणि संस्कृतीचा संगम पाहायला मिळणार असून, कार्यक्रमात सुप्रसिद्ध अभिनेत्री पद्मिनी कोल्हापुरे आणि ख्यातनाम पत्रकार प्रसन्न जोशी यांची विशेष उपस्थिती असणार आहे.
‘मॅजिकल आर.डी. नाईट’चे खास आकर्षण
पुरस्कार सोहळ्यानंतर रसिक प्रेक्षकांसाठी अनुबंध कला मंडळातर्फे एका विशेष ‘Magical RD Night’ चे आयोजन करण्यात आले आहे. सुप्रसिद्ध संगीतकार आर.डी. बर्मन यांच्या अजरामर गीतांचा आनंद उपस्थितांना या कार्यक्रमाद्वारे घेता येणार आहे.
प्रवेशिका विनामूल्य, पण प्रवेशिका आवश्यक
हा कार्यक्रम सर्व रसिकांसाठी विनामूल्य आहे, परंतु प्रवेशासाठी ‘प्रवेशिका’ (पासेस) असणे अनिवार्य आहे. रसिक प्रेक्षकांनी आपले पासेस खालील ठिकाणांहून वेळेत उपलब्ध करून घ्यावेत, असे आवाहन संयोजकांतर्फे करण्यात आले आहे:
१. जोशी हॉस्पिटल प्रा. लि., फलटण.
२. काव्या ब्युटीक, डी. एड. चौक, फलटण.
३. प्रॉमिस टेलर, डेक्कन चौक, फलटण.
सांस्कृतिक आणि संगीतमय मेजवानी असलेल्या या सोहळ्याला उपस्थित राहून कार्यक्रमाची शोभा वाढवावी, अशी नम्र विनंती अनुबंध कला मंडळातर्फे करण्यात आली आहे
