हेमाडपंथी महादेव मंदिरात दुग्धाभिषेक व परिसर स्वच्छता करून सह्याद्री प्रतिष्ठान तर्फे शिवजयंती साजरी
सह्याद्री प्रतिष्ठानतर्फे छत्रपती शिवरायांची जयंती अनोख्या पद्धतीने साजरी करण्यात आली, प्रतिष्ठानच्या दुर्ग सेवकांनी पाटणादेवी जंगल परिसरातील हेमाडपंथी महादेव मंदिर परिसराची स्वच्छता मोहीम राबवली त्यानंतर महादेवावर दुग्धाभिषेक करण्यात आला. या धार्मिक विधीनंतर शिवप्रतिमेचे पूजन करून छत्रपती शिवाजी महाराज यांच्या जयंतीनिमित्त त्यांना अभिवादन करण्यात आले. “गडकोट, देवस्थान आणि इतिहासाची साक्ष देणारी वारसा स्थळे जपणे हीच खरी शिवभक्ती” असा संदेश देण्याचा सामाजिक बांधिलकी जपत स्वच्छता व संस्कृती संवर्धनाचा उपक्रम हाती घेण्यात आला, दरम्यान तेथील भाविकांनी सह्याद्री प्रतिष्ठानच्या या कार्याचे कौतुक केले, या उपक्रमामुळे धार्मिक श्रद्धा, पर्यावरण संवर्धन आणि इतिहासाबद्दलची जागरूकता यांचा सुंदर संगम साधला गेल्याची भावना व्यक्त केली गेली, या प्रसंगी सह्याद्री प्रतिष्ठानचे दिलीप घोरपडे, सचिन पाटील, गजानन मोरे, बाळासाहेब सोनवणे, संजय साठे, जितेंद्र वाघ, गणेश पप्पू पाटील, मोहन भोळे, ललित चौधरी, सचिन पाटील, बबलू चव्हाण, रत्नदीप पाटील, कार्तिक चौधरी, कृष्णा चौधरी, साई पाटील यांच्यासह संह्याद्री प्रतिष्ठानचे कार्यकर्ते उपस्थित होते.
प्रतिनिधी रणधीर जाधव
AVB महाराष्ट्र न्यूज चाळीसगाव
