“दिव्यांगत्व ही मर्यादा नसून वेगळी क्षमता” — अमोलभाऊ भागवत यांचे प्रेरणादायी आवाहन
🎤 प्रतिनिधी सचिन देवरे
नाशिक जिल्ह्यातील दिंडोरी तालुक्यातील खेडगाव येथे अखिल भारतीय भ्रष्टाचार निर्मूलन संघर्ष समिती यांच्या वतीने दिव्यांग सक्षमीकरण सोहळा उत्साहात पार पडला. नागरिकांचा मोठा प्रतिसाद आणि दिव्यांग बांधवांच्या भावनिक उपस्थितीत हा कार्यक्रम यशस्वी ठरला.
या सोहळ्याचे प्रमुख मार्गदर्शक म्हणून राष्ट्रीय सरचिटणीस अमोलभाऊ भागवत उपस्थित होते. त्यांच्या पुढाकारातूनच हा उपक्रम राबवण्यात आला. यावेळी विविध मान्यवर, लोकप्रतिनिधी, सामाजिक कार्यकर्ते आणि स्थानिक पदाधिकारी मोठ्या संख्येने उपस्थित होते.
कार्यक्रमात समाज कल्याण विभागाच्या वतीने दिव्यांग बांधवांसाठी आवश्यक उपकरणे व साहित्य मिळावे यासाठी अर्ज भरून घेण्यात आले. तसेच उपस्थित दिव्यांग बांधवांचा सन्मान करून त्यांना उपयुक्त वस्तूंचे वाटप करण्यात आले.
मार्गदर्शन करताना अमोलभाऊ भागवत यांनी दिव्यांग बांधवांना प्रेरणा देत सांगितले — दिव्यांगत्व ही मर्यादा नसून एक वेगळी क्षमता आहे. कधीही हार न मानता महापुरुषांच्या कर्तृत्वातून प्रेरणा घेऊन जीवन उज्वल बनवा.
यावेळी सूरदास पावसे यांच्या वाढदिवसानिमित्त फराळ वाटपही करण्यात आले. कार्यक्रमाचे सूत्रसंचालन प्रा. विनायक पवार यांनी केले तर आभार प्रदर्शन रोहिणी वाघ यांनी केले.
