मल्हारगडासह महाराष्ट्रातील 85 गड किल्ल्यांवर सह्याद्री प्रतिष्ठानचे दसरा गड पूजन
( चाळीसगाव प्रतिनिधी रणधीर जाधव):-
महाराष्ट्रातील तमाम गड किल्ल्यांचे संवर्धन चळवळ चालवणाऱ्या सह्याद्री प्रतिष्ठान हिंदुस्थान या संस्थेमार्फत दरवर्षीप्रमाणे यंदाही महाराष्ट्रातील 85 गड किल्ल्यांवर दुर्ग सेवकांच्या माध्यमातून दसरा गड पूजन करण्यात आले, याचाच एक भाग म्हणून चाळीसगाव तालुक्यातील मल्हारगडावर दिनांक 2 ऑक्टोंबर रोजी दसऱ्यानिमित्त मोठ्या जल्लोषात गड पूजन करण्यात आले, यात छत्रपती शिवरायांची पालखी वाजत गाजत मिरवण्यात येऊन गडदेवता खंडोबाची आरती व तळी भरून भंडारा उधळण्यात आला पालखी मिरवणूक व भंडारा उधळण्याच्या या जल्लोषात चाळीसगाव तालुक्यातील असंख्य दुर्गसेवक तसेच दुर्ग सेविका भगिनी यांनी सहभाग नोंदवला.
