👉 जिल्हा परिषद अंतर्गत २९१ आरोग्य सेविकांच्या नियुक्त्या नियमित,  👉 राज्य मंत्रिमंडळाचा  मंत्रिमंडळ बैठकीत निर्णय.   👉 बंधपत्रित आरोग्य सेविकांना नियमित करण्याचे विभागीय आयुक्तांना अधिकार  

👉 जिल्हा परिषद अंतर्गत २९१ आरोग्य सेविकांच्या नियुक्त्या नियमित,

 👉 राज्य मंत्रिमंडळाचा 

मंत्रिमंडळ बैठकीत निर्णय. 

 👉 बंधपत्रित आरोग्य सेविकांना नियमित करण्याचे विभागीय आयुक्तांना अधिकार  

मुंबई ( चक्रधर मेश्राम):- दि. 25/12/2025:- 

महाराष्ट्र राज्यातील जिल्हा परिषदांतर्गत आरोग्य विभागामध्ये कार्यरत आणि सेवानिवृत्त झालेल्या बंधपत्रित २९१ आरोग्य सेविकांच्या नियुक्त्या नियमित करण्याबाबत विभागीय आयुक्तांना अधिकार देण्याचा निर्णय बुधवारी झालेल्या राज्य मंत्रिमंडळ बैठकीत घेण्यात आला.

या निर्णयानुसार जिल्हा परिषदांतर्गत महिला आरोग्य सेवकांची पदे ही सार्वजनिक आरोग्य विभागाच्या अखत्यारित संचालक, आरोग्य सेवा संचालनालयामार्फत शासकीय परिचर्या महाविद्यालयातून प्रशिक्षण घेतलेल्या उमेदवारांमधून २ वर्षाच्या कालावधीसाठी भरण्यात येत असत. हा कालावधी संपल्यानंतर या उमेदवारांना कार्यमुक्त केले जात असे. त्यानंतर संबंधित जिल्ह्यातील रुग्णसेवेची निकड आणि जिल्ह्यातील रिक्त पदांची स्थिती लक्षात घेता त्यांना ११ महिन्यांची अस्थायी नियुक्ती देण्याचे अधिकार विभागीय आयुक्तांना होते. विभागीय आयुक्तांचा हा अधिकार सन २०१८ मध्ये रद्द करण्यात आला होता. बुधवारी झालेल्या मंत्रिमंडळ बैठकीत राज्यातील जिल्हा परिषदेअंतर्गत आरोग्य विभागात १५ एप्रिल २०१५ पूर्वी नियुक्त झालेल्या तसेच सेवानिवृत्त झालेल्या आणि सध्या कार्यरत अशा २९१ बंधपत्रित आरोग्य सेविका यांच्या सेवा नियमित करण्याबाबतचे अधिकार विभागीय आयुक्त यांना देण्याचा निर्णय घेण्यात आला. महाराष्ट्र राज्यात आरोग्य सेवा संचालनालयाच्या अखत्यारीत हजारो कंत्राटी आरोग्य कर्मचारी मागील पंधरा वर्षे पुर्वीपासून काम करीत आहेत. मात्र महाराष्ट्र राज्य शासनाला यांचे समायोजन करण्यात अजूनही यश मिळाले नाही. ही मोठी शोकांतिका म्हणावी लागेल. कंत्राटी आरोग्य कर्मचाऱ्यांनी यापूर्वी शासन सेवेत नियमित समायोजन करण्यात यावे म्हणून सतत आंदोलन केले. हजारो निवेदन दिले. अधिवेशनातही अनेकदा हा विषय उचलून धरण्यात आला. परंतु शासनाला जाग आली नाही.

Author: AVB Majha