सौ जयश्री रणजीत भुजबळ फलटण नगरपालिकेची निवडणूक अपक्ष लढवणार .
फलटण प्रतिनिधी: राष्ट्रवादी काँग्रेस पक्ष ( अ.प.) फलटण तालुका ओबीसी सेलचे अध्यक्ष श्री रण जीत भुजबळ यांच्या पत्नी सौ. जयश्री रणजीत भुजबळ या भाजपा राष्ट्रवादीने उमेदवारी नाकारल्याने फलटण नगरपालिकेसाठी प्रभाग क्रमांक दहा मधून अपक्ष निवडणूक लढविण्यात येणार आहे असे प्रसार माध्यमांशी बोलताना त्यांनी सांगितले.
फलटण नगरपालिकेसाठी राष्ट्रवादी काँग्रेस पक्षाच्या वतीने उमेदवारांची चाचप णी चालू असताना सौ. जयश्री रणजीत भुजबळ यांनी मोठे शक्ती प्रदर्शन करत राष्ट्रवादी पक्षाकडे प्रभाग क्रमांक दहा मधून आपल्यासाठी उमेदवारी मागितली होती. परंतु उमेदवारी नाकारल्यामुळे आता अपक्ष निवडणूक लढवण्याचा निर्णय त्यांनी घेतला आहे.
त्यांचे पती श्री रण जीत भुजबळ हे फलटण शहर राष्ट्रवादी काँग्रेस पक्षाचे फलटण तालुका ओबीसी सेलचे अध्यक्ष असून पक्षांमध्ये नेहमी सक्रिय काम करत आहेत. मागील लोकसभेच्या आणि विधानसभेच्या निवडणुकीपासून पक्षासाठी त्यांनी मोठे योगदान दिले आहे. तसेच फलटण शहरांमध्ये पक्ष संघटना मजबूत करण्यासाठी सभासद नोंदणी करताना पण त्यांनी मोलाचे योगदान दिले आहे. परंतु या निवडणुकीत प्रभाग क्रमांक दहा मधून त्यांच्या सुविद्य पत्नी सौ जयश्री रणजीत भुजबळ यांना उमेदवारी नाकारल्यामुळे प्रभाग क्रमांक दहा मधील नागरिकांच्या मागणीमुळे नगरपालिकेची निवडणूक अपक्ष म्हणून लढवण्याचा त्यांनी निर्णय घेतला आहे.
