अखेर सदस्या स्नेहल जंगम अपात्र
सातारा; सैदापूर ग्रामपंचायत सदस्या स्नेहल जीवन जंगम अपात्र ठरले आहेत जात वैधता प्रमाणपत्र यासाठी वाढीव कालावधी देऊन सुद्धा जात वैधता प्रमाणपत्र सादर न केल्याने त्यांना अपात्र करण्यात आले आहे
गेल्या कित्येक महिन्यांपासून जिल्हाधिकाऱ्यांच्या दालनात या प्रकरणाची सुनावणी झाली होती. याबाबतचा तक्रारी अर्ज सौ संजीवनी धनवे व विक्रम पवार यांनी केला होता. त्यांनी केलेला तक्रारीचा अर्ज अखेर जिल्हाधिकाऱ्यांनी मान्य केला आहे.
याबाबत सविस्तर; स्नेहल जंगम यांना 2021 मध्ये आरक्षित प्रवर्गातून सार्वत्रिक निवडणुकीमध्ये बिनविरोध निवडून देण्यात आले होते.
जात वैधता प्रमाणपत्र देण्याचा कालावधी उलटूनही त्यांनी जात वैधता प्रमाणपत्र सादर न केल्याने 24 जुलै 2024 रोजी याबाबतची तक्रार सैदापूर ग्रामस्थांच्या वतीने संजीवनी धनवे व विक्रम पवार यांनी तक्रार केली. या तक्रारीबाबत जिल्हाधिकारी सातारा यांच्याकडे सुनावणी झाली. सुनावणी अखेर विंहित मुदतीत जात वैधता प्रमाणपत्र सादर न केल्याने जंगम यांचे सदस्यत्व रद्द करण्यात आल्याचा आदेश जिल्हाधिकारी सातारा यांनी दिला त्यामुळे त्यांचे ग्रामपंचायत सदस्य पद निरर्ह ठरविण्यात आले आहे. या निर्णयामुळे सरपंच गट अडचणीत आल्याचे म्हटले जात आहे.
