🚨 रस्त्याचे काम अडथळा ठरले, पण अग्निशमन दल थांबले नाही!

🚨 रस्त्याचे काम अडथळा ठरले, पण अग्निशमन दल थांबले नाही!
नाशिक प्रतिनिधी:  सचिन देवरे

नाशिकच्या सावरकर नगर, गंगापूर रोड परिसरातील एकांत अपार्टमेंटमध्ये आठ महिला आणि एका लहान मुलीसह नागरिक अडकल्याची माहिती सातपूर अग्निशमन केंद्राला मिळाली.
माहिती मिळताच अग्निशमन दलाने तातडीने घटनास्थळी धाव घेतली. मात्र परिसरात मोठ्या प्रमाणावर रस्त्यांचे काम सुरू असल्याने अग्निशमन बंबाला घटनास्थळी पोहोचण्यात अडथळे निर्माण झाले.
परिस्थितीचे गांभीर्य ओळखून स्थानिक युवकांच्या दुचाकींवर आवश्यक यंत्रसामग्री घेऊन अग्निशमन अधिकारी आणि कर्मचारी घटनास्थळी पोहोचले.
मेंटेनन्स टीमच्या मदतीने अडकलेल्या आठ महिला आणि लहान मुलीची सुखरूप सुटका करण्यात आली.
या धाडसी आणि तत्पर बचावकार्यात लीडिंग फायरमन विजय ठाकूर, वाहनचालक मुकुंद खांडेकर, फायरमन शुभम लाड, ऋषिकेश पवार आणि हर्षल कुलकर्णी यांनी महत्त्वाची भूमिका बजावली.
संकट कितीही मोठं असो… कर्तव्याच्या आड अडथळे येऊ देणार नाही, हे अग्निशमन दलाने पुन्हा एकदा सिद्ध केले!
नाशिक प्रतिनिधी – सचिन देवरे, AVB MaZa न्यूज.

Author: AVB Majha