🚨 फलटण तालुक्यात खळबळ! खामगाव ग्रामपंचायतीत ‘प्रशासकीय’ हुकूमशाही; काळूबाई नगर ५ दिवसांपासून कोरडे!

❌ सरपंच नाही म्हणून जनतेला वेठीस धरणाऱ्या प्रशासकीय अधिकारी अर्चना जगताप आणि ग्रामसेवक अण्णा यांच्यावर कारवाई होणार का?

फलटण.प्रतिनिधी

पंतप्रधान आणि मुख्यमंत्री एकीकडे ‘हर घर जल’ योजनेच्या मोठ्या घोषणा करत असताना, दुसरीकडे सातारा जिल्ह्यातील फलटण तालुक्यातील खामगाव ग्रामपंचायतीच्या प्रशासकीय कारभाराने शासकीय दाव्यांचा पुरता बोजवारा उडवला आहे. येथील काळूबाई नगर परिसरामध्ये गेल्या ५ दिवसांपासून पिण्याच्या पाण्याचा थेंबही आलेला नाही. ग्रामपंचायतीची मुदत संपल्याचा आणि लोकनियुक्त सरपंच नसल्याचा गैरफायदा घेत, सध्या मुख्य कारभारी असलेल्या प्रशासकीय अधिकारी अर्चना नितीन जगताप आणि ग्रामसेवक अण्णा यांनी जनतेला थेट वेठीस धरले आहे. या सुस्त अधिकाऱ्यांमुळे भरपावसाळ्यात महिलांवर पाण्यासाठी वणवण भटकण्याची वेळ आली असून नागरिकांचा संयम आता सुटत चालला आहे.

** सुस्ती सोडायला अधिकारी तयार नाहीत!**सध्या ग्रामपंचायतीची मुदत संपलेली असून गावाचा संपूर्ण कारभार प्रशासक अर्चना जगताप आणि ग्रामसेवक अण्णा यांच्या हातात आहे. काळूबाई नगरमधील नागरिकांनी पाण्याचा प्रश्न सोडवण्यासाठी या दोन्ही अधिकाऱ्याकडे अनेकदा हेलपाटे मारले, मात्र “जनता तहानलेली राहिली तरी चालेल, पण आम्ही आमची सुस्ती सोडणार नाही” अशीच भूमिका या दोन्ही अधिकाऱ्यांनी घेतल्याचे चित्र दिसत आहे. लोकनियुक्त लोकप्रतिनिधी नसल्यामुळे या अधिकाऱ्यांवर कोणाचाही अंकुश राहिलेला नाही, अशी संतप्त प्रतिक्रिया ग्रामस्थ व्यक्त करत आहेत.

पाणी पुरवठ्याचा निधी कुणाच्या घशात?**पाणी पुरवठ्याची मोटर दुरुस्त करणे, पाईपलाईनचे काम करणे किंवा तात्काळ टँकर सुरू करणे यासाठी ग्रामपंचायतीच्या खात्यात लाख