“सालपे मायलेकाचा विहिरीत पडून दुर्दैवी मृत्यू”
सातारा प्रतिनिधी आबासो धायगुडे
सालपे ता. फलटण गावच्या हद्दीतील कोळेकरवस्ती शेजारी असलेल्या पंधरकी नावच्या शिवारात सोमवार दि. ३० रोजी सांयकाळी ५ वाजण्याच्या सुमारास
माधुरी लक्ष्मण कचरे वय २८ व शंभूराज लक्ष्मण कचरे वय ७ या मायलेकरांचा विहीरीत बुडुन मृत्यू झाला आहे. या घटनेची नोंद लोणंद पोलीस स्टेशनमध्ये करण्यात आली असून या घटनेमुळे सर्वत्र हळहळ व्यक्त करण्यात येत आहे.
याबाबत लोणंद पोलीस स्टेशन मधून मिळालेले अधिक माहिती अशी की, सालपे ता. फलटण गावच्या हद्दीत असणाऱ्याकोळेकरवस्ती शेजारील पंधरकी नावचे शिवारात असलेल्या विहीरीमध्ये पडुन माधुरी लक्ष्मण कचरे वय २८ व शंभूराज लक्ष्मण कचरे वय ७ रा. सालपे या मायलेकरांचा बुडून मृत्यू झाला आहे. या घटनेची फिर्याद दादा यशवंत कचरे यांनी दिली असुन या घटनेचा अधिक तपास सपोनि सुशील भोसले यांच्या मार्गदर्शनाखाली पोलीस नाईक मदने करत आहेत.
