फलटण प्रतिनिधी : श्रीराम सहकारी साखर कारखान्याच्या विशेष सर्वसाधारण सभेतील ठराव आणि सभेची प्रक्रिया बेकायदेशीर असल्याचा आरोप करत विरोधकांनी आता उच्च न्यायालयात जाण्याचा निर्णय घेतला आहे. याबाबत पत्रकार परिषद घेऊन विरोधकांनी आपली भूमिका स्पष्ट केली.   पत्रकार परिषदेत आ. सचिन पाटील, प्रल्हादराव साळुंखे पाटील, श्रीमंत शिवबाजीराजे खंडेकर, नगराध्यक्ष समशेरसिंह नाईक निंबाळकर, अॅड. नरसिंह निकम, विश्वासराव भोसले, विलासराव नवले आदी उपस्थित होते.   विरोधकांनी सांगितले की, विशेष सर्वसाधारण सभेतील काही निर्णय हे सभेच्या कार्यक्षेत्राबाहेरील असून, ते नियमबाह्य पद्धतीने मंजूर करण्यात आले आहेत. त्यामुळे सभेतील ठरावांना न्यायालयात आव्हान देण्यात येणार आहे.